.: Мэдээллийн Технологи :.

Саяхнаас PHP ашиглан янз бүрийн вэб хуудас хийх хэрэгтэй боллоо. Өөрийнхөө ажлыг хөнгөвчилж цаг хэмнэх зорилгоор ер нь нэг Framework өөрийн болгоод ашиглаж байя гэж шийдсэн юм. Маш их код бичдэг хүмүүс бол өөрийн гэсэн классуудын цуглуулгатай бөгөөд түүнийгээ янз бүрийн төсөлдөө Framework маягаар ашгладаг юм билээ. Миний хувьд бол урид нь тийм их зүйл хийж байгаагүй учраас бэлэн Framework авч ашиглах нь хамгийн ашигтай зам байсан. Мэдээж зорилгодоо нийцсэн шалгуур тавьж л хайхгүй бол сүүлийн үед янз бүрийн Framework тоогоо алдсан юм билээ. Бүгдийг нь суулгаж туршиж үзнэ гэдэг бол бөөн цагийн гарз болно. Тэгээд дөнгөж суулгаж үзчихээд л сайн мууг нь мэдчихгүй.

Надад MVC архитектэр дэмждэг бөгөөд ашиглахад хялбар мөн PHP5 -дээр ажиллаж чаддаг PHP MVC Framework хэрэгтэй байсан. MVC архитектэр гэж юу болохыг сүүлийн үед программ бичиж байгаа хүмүүс их бага хэмжээгээр нилээд л сонсож байгаа биз. Төслийн өгөгдлийн сан, логик(modell), харагдац(View), удирдлага (Controller) -ыг тусгаарлах зориулалттай архитектур. Төслийг сүүлд нь сайжруулах, засварлах, шинэ зүйл нэмэхэд маш хялбар болгож өгдөг сайн талтай. Тэгээд интэрнэтээс framework-уудын харьцуулалт хайсан бөгөөд дараахь харьцуулалтыг оллоо.

• Zend Framework
• CakePHP
• Symfony Project
• Seagull Framework
• WACT
• Prado
• PHP on TRAX
• ZooP Framework
• eZ Components
• CodeIgniter

Эдгээрийг цааш нь нилээд тодруулж судалсан бөгөөд миний хувьд Symfony,CakePHP,CodeIgnetor гэсэн
гурвыг цааш  нь бүр нарийн судалж өөрийнхөө ажлыг хөнгөвчлөх зорилгоор ашиглаж байхаар шийдлээ.