.: Мэдээллийн Технологи :.

Монголчууд маань аймаар аймаар үнэтэй хэрэгслүүд ашиглаад л яваад байдаг. Тэдний ихэнх нь хулхи байдлаар олж авсан гэдэгт эргэлзэхгүй байна. Нэг бодлын азтай хүмүүс шүү тэгж байгаад. Харин та ямар нэгэн өөр хууль дэглэм чангатай улсад ажиллахад хүрвэл шал өөр байдлаар хандах боловуу. Тийм болохоороо үнэгүй олдож болох сайн сайн хэрэгслүүдийг харахгүй өнгөрөх нь их байх шиг.
Ингээд юу ч гэсэн маш олон төрлийн чадвартай Eclipse -г бага багаар танилцуулахыг оролдъё.

Анх IBM компани өөрсдийн олон тусдаа байсан пргорамм хөгжүүлэгч хэрэгслүүдийг нэгтгэж нэгдсэн Framework гаргаж ирсэн нь үндсэндээ Eclipse байсан.

Татаж авах

Ubuntu -г эс тооцвол Eclipse үйлдлийн системийг дагалдаж суудаг болж амжаагүй байгаа. Гэхдээ санаа зовох зүйлгүй та Eclipse ийн вэб хуудаснаас амархан татаж аваарай. Ажиллуулахын тулд танд Java Runtime Environment(JRE) болон Standard Widget Tools суулгасан байх ёстой. Хэрэв та эдгээр шаардлагатай хэрэгслүүдийг нь суулгачихсан бол Eclipse чинь бараг л бэлэн болчлоо гэсэн үг. Eclipse өөрөө Java дээр бичигдсэн болохоор суулгах шаардлагагүй, зөвхөн татаж авсан файлаа хэрэгтэй хавтсандаа задлаад л болоо.
Программыг эхлүүлэхэд танаас Workspace хаана байхыг асууна. Энэ нь таны хожмын файлууд хаана байхыг зааж өгч байгаа тул төслийнхөө файлуудыг хаана хадгалах тэр хавтсаа сонгоно. Ингээд тавтай морил дэлгэц гарч ирэх бөгөөд үүн дээр нь Eclipse тэй ажиллах тусламж болон шинэ мэдээллүүд байна. Энэ цонх тийм ч чухал биш учраас хаахаар жинхэнэ Eclipse-ийн талбар гарч ирнэ.  Ингээд зарим чухал гэсэн зүйлсийг хальт бичье.

Workspace - Ажлын талбар

Энэ нь төслийн файлууд болон тохируулгуудыг хадгалдаг бөгөөд жирийн л нэг хавтас. Анх эхлэхдээ дотроо metadata гэсэн хавтас агуулсан байна. Unix систем дээр бол энэ хавтас нууцлагдсан байдаг.

Workbench -

Eclipse- ийн үндсэн ажлын нүүр. Жирийн мэню болон харах засварлахад зориулсан хэрэгслүүд харагдана.

Perspektiven

Бидний дассан программ хөгжүүлэгчдийн адил Eclipse ч гэсэн үүнийгээ маш сайн пэрспективтэй хийсэн. Паралель олон зүйлтэй ажиллаж болох болохоор маш амарханаар жишээнь Java болон PHP ийн хооронд сэлгэж ажиллах боломжтой.

Editor - Засварлагч

Код бичих гэдэг бол программ хөгжүүлэгчидийн хувьд өдөр тутмын ажил.Тэкст болон визуэл маягаар ажилладаг яг тухайн хэлд зориулагдсан олон төрлийн код бичих хэрэгслүүд байдаг.

Views - Харагдац

Энэ нь Eclipse -ийн бас нэг чухал хэрэгсэл. Засварлагчтай харьцуулахад өгөгдлийг(Жнь: эх код) хадгалдаггүй, зөвхөн харагдуулдаг. Харагдац нь тэгэхээр өгөгдлийг шууд өөрчилдөггүй, харин энэ даалгаврыг тохирох засварлагчид дамжуулдаг.

Project - Төсөл

Төсөл гэдэг нь энд ажлын талбарын зохион байгуулалт гэж ойлгогдоно. Энэ нь ажлын талбарын хавтасууд болон файлуудыг агуулдаг бөгөөд эх код болон нэгдсэн программын тухай мэдээллүүдийг ударддаг. Нэг төсөл нь ямар нэгэн ажлын талбарт хамаарагдаж байх бөгөөд тухайн төслийн өгөгдлүүд тэр төслөөсөө гадуур хэрэглэгдэж чадахгүй. Харин тухайн өгөгдлөөс импорт хийж хэрэглэж болдог.

Энэ хэдэн зүйлсийг мэдэж авснаар эхний төслөө үүсгэж чадахаар боллоо.
Менюгээс "File->New->Project" гэж ороод өөрийн хүссэн төслөө шинээр нээнэ. Хэрэгтэй мэдээллүүдийг зөв бөглөснөөр таны үүсгэсэн төсөл цонхны зүүн талд мод хэлбэрийн меню болж харагдана.

За энэ хэсгийг ингээд өндөрлье. Хэрэг болсон бол сэтгэгдэл үлдээгээрэй. Мөн дараагийн хэсгийг удахгүй бичихийг оролдоноо.
Ажилт хүсье.